मिसळ

कैक सारे मिसळ खाया लागले
अन्‌ रुचिपालट कराया लागले

हा असंतुष्टांस अड्डा लाभला
रुष्टणारे चळवळाया लागले

वाजले स्वातंत्र्यडंके जालभर
दो दिसांनी शांत व्हाया लागले

बंदुका स्कंधी दुज्याच्या ठेवुनी
पारधी पारध कराया लागले

'प्रसव'पत्राची करोनी डिलिवरी
पोस्टमन कोणी ठराया लागले

'वीजवाटा' तद्न्य तो लावे छडा
नाव पोष्ट्या कोण घ्याया लागले !

बादरायण जोडुनी संबंध ते
'प्रसव'ण्या बंदी कराया लागले

जाहली ऐसी तिखट मग मिसळ की
वाचता ठसके बसाया लागले

Tor वा सायबरकफेच्या आडुनी
बाण शत्रुंवर पडाया लागले

हाय, एकाची इथे नावे किती
फसवणारेही फसाया लागले !

जाग सरपंचा कधी येईल का ?
लोक त्याला वापराया लागले

2 Comments:

  1. Anonymous said...
    This vidamban is not very good. Dont be shy to write with your own name.
    - Vishvajit

    This comment has been moderated by the blog owner.
    खोडसाळ said...
    @Anonymous : It's amusing to see an anonymous commentator asking me to write under my own name. BTW, if you had taken the trouble to look at the post label, you would have noticed that it says बातमी , not विडंबन. Thanks for the comment.

Post a Comment



Newer Post Older Post Home

Blogger Template by Blogcrowds