नववर्षाचे स्वागत करणारी प्रदीप कुलकर्णी यांची सुंदर कविता ...ये नववर्षा मला फार आवडली. सर्वप्रथम मनोगतावर कवितांची पंचविशी गाठल्याबद्दल प्रदीपरावांचे हार्दिक अभिनंदन. त्यांच्या ...ये नववर्षा या कवितेने प्रेरित होऊन मीही येणाऱ्या (आता खरं तर आलेल्या म्हणायला हवं) वर्षाच्या स्वागताप्रीत्यर्थ लिहायला बसलो. पण ते सकारात्मक का काय जमत नाही हो, काही केल्या ! असो.
तुझ्या स्वागतासाठी करतो कर्कश ठणठण...ये नववर्षा !
तुझ्या स्वागतासाठी होतो भाट नि चारण...ये नववर्षा!
नव-आशांची, नव-स्वप्नांची गाजर फसवी दावत ये तू
नव्या सुखांच्या इंद्रधनूचे लोणी मजला लावत ये तू
गतसालाच्या कार्ड-बिलांची करीत पखरण...ये नववर्षा !
दहा दिशांना नव-चॅनल्स्चे किरण कोवळे उधळत ये तू
घरांघरांतून सांस-बहूंचा जुनाच काढा उकळत ये तू
अशीच राहो त्यांची प्रतिभा कायम गाभण...ये नववर्षा !
ये प्रेमाचा ऋतू होउनी...न्हात न्हात गंधाळत ये तू
नवरात्रीला कुमारिकांचा तोल परी सांभाळत ये तू
ये माझ्याही दारी घेउन सनई-तोरण ...ये नववर्षा !
जे जे वाचक आणि समीक्षक, असेच त्यांना हसवत जा तू
'खोडसाळ'से काव्य वेगळे त्यांच्यासाठी प्रसवत जा तू
कुरकुरणाऱ्या जीवनगाडीला दे वंगण ...ये नववर्षा !
Labels: विडंबन
tumachyaasaaThii miihii navyaavarShaalaa tumachyaach shabdaat maagato:
जे जे वाचक आणि समीक्षक, असेच त्यांना हसवत जा तू
'खोडसाळ'से काव्य वेगळे त्यांच्यासाठी प्रसवत जा तू
कुरकुरणाऱ्या जीवनगाडीला दे वंगण ...ये नववर्षा !
Happy New Year!