प्रेरणेचा मूळस्रोत : अनिरुद्ध१९६९ यांची सुंदर गझल किंमत
कारने होतो निघालो जायला
चांदणीच्या बारला पाहायला
बार हा साधा न होता पण तरी
वेळ थोडा लागला शोधायला
मी तरी सर्वांमुखी हे ऐकतो
खूप किंमत लागते मोजायला
काळजी माझी नका इतकी करू
माल पुष्कळ आणला उडवायला
छंद मी केले पुरे उधळायचे
लागली नोटांस ती वेचायला
"हो पुढे", म्हटलेस तू, "आलेच मी"
मी खुळ्यागत लागलो वागायला
भाव मी बालेस त्या इतका दिला
लागली शेफारुनी चालायला
'खोडसाळा' फेकले रस्त्यावरी
ताळ होता लागला सोडायला...
Labels: विडंबन
0 Comments:
Subscribe to:
Post Comments (Atom)