(आरसा)

जयन्ता५२ यांची अप्रतिम गझल आरसा वाचून आम्हालाही त्या आरशात स्वतःचे प्रतिबिंब पाडावेसे वाटले.


लाडका स्त्रीचाच आहे आरसा
आणि पुरुषा जाच आहे आरसा

मी कधीचाच फुगलो, पोट सुटले,
सांगतो, कुजकाच आहे आरसा

जागचा तो हालला नाही कधी
सुस्त तो भलताच आहे आरसा

ओळखीचे हासला लोचटपणे
हा जरा लुब्राच आहे आरसा

उष्ण वाफेने तयाला झाक तू
हा जरा 'तसलाच' आहे आरसा

रोज पाही रूपसुंदर देखण्या !
जाऊ दे, घरचाच आहे आरसा...

हासुनी बघता कधी मी त्यामधे
फिसकनी हसलाच आहे आरसा

खोडसाळा का फिदा यावर मुली ?
रोमियोचा 'बा'च आहे आरसा

0 Comments:

Post a Comment



Newer Post Older Post Home

Blogger Template by Blogcrowds