मूळ रचना : मृण्मयी यांची सती
भार माझा वाहणारा कोण आहे?
लीलया मज उचलणारा कोण आहे?
वर्षणारी मेघना असता घरी मी
बारमध्ये ढोसणारा कोण आहे?
हो, सखे येतात मदतीला हजारो
चान्स हा नाकारणारा कोण आहे?
मी रती होऊ कुणासाठी कशाला?
मदन मजला शोभणारा कोण आहे?
फार शब्दांना नको ताणूस इतकी
श्लेष येथे जाणणारा कोण आहे?
खोडसाळा भीत होते कैक आले
काव्य येथे टाकणारा कोण आहे?
0 Comments:
Subscribe to:
Post Comments (Atom)