आमची प्रेरणा : कवितेशिवाय कविता
................................
खोड्यांशिवाय कविता...!
................................
शोधून सापडेना माझ्यातला कवी!
केव्हा तरी सुचावी मज कल्पना नवी!
मी तीच तीच दु:खे सांगायची किती?
कंटाळलेत सारे, वाचायची किती?
वाचून आजची ती मागील आठवी!
कविता करून झाली हे बोललो जरी...!
कविता निदान थोडी वाचायची तरी...!
मुरडून नाक वाचक पण पान उलथवी!
शब्दांपलीकडे मी जाईन का कधी?
मी अर्थपूर्ण गाणे गाईन का कधी?
खोड्यांशिवाय कविता पाडायला हवी!
- खोडसाळ
................................
खोड्याकाल ः ८ सप्टेंबर २००८
................................
0 Comments:
Subscribe to:
Post Comments (Atom)