प्रेरणा : "मल्मली तारूण्य माझे तू पहाटे पांघरावे"
वल्कली वार्धक्य माझे तू कशाला पांघरावे?
मोजक्या केसात माझ्या का जिवाला गुंतवावे?
लागुनी थंडी गुलाबी, शिरशिरी आली तरीही
घेउनी ब्लॅंकेट तू अन् मी दुलइमाजी निजावे
कापर्या माझ्या तनूची तार झंकारू न द्यावी
जे समेवर येत नाही, गीत ते का आळवावे?
रे तुला रात्रीस माझ्या, लोळण्याने जाग यावी
मी तुला जागे करावे, अन् स्वत: घोरत पडावे
Labels: विडंबन
0 Comments:
Subscribe to:
Post Comments (Atom)