प्रेरणा : कोहम् ह्यांची कविता "प्रेरणे, देऊ तुला चावी कशी ?"
प्रेरणेला, सांग, पटवावी कशी ?
टांग त्या कवितेस मी द्यावी कशी ?
स्वच्छ कागद नासतो बाळापरी
अक्षरांची धिंड काढावी कशी ?
आदळी जर हिमनगावर कल्पना
शब्दटायटॅनीक वाचावी कशी ?
काय ह्या अवजड विचारांचे करू ?
लेखनाची सूज उतरावी कशी ?
चालवूही शब्दवरवंटा अम्ही
काव्यचटणी फार वाटावी कशी ?
आतला लेखक असे जर संपला
वाचकांनी वाहवा द्यावी कशी ?
खोडसाळा, बेकरीला ये जरा
पाव, खारी त्याविना खावी कशी
Labels: विडंबन
0 Comments:
Subscribe to:
Post Comments (Atom)