प्रेरणा : मिलिंद फणसे ह्यांची गझल "लाभली नाही कधीही"
लाभली नाही कधीही स्वस्थता त्याच्या जिवाला
आस जो रोमॅन्सची घेउन उभा लग्नास झाला
काल वर, खाली उद्या हे बायकोचे प्रेम लहरी
आज माहेरी पळाली यौवनी घालून घाला
दंशही झाकून असतो अन् नखांची खूणही मी
हो, फुकट कार्यालयी ते पाहुनी थट्टा कशाला ?
सर्व शस्त्रांहून भीतो टीचभर त्या बायकोला
चढवली साक्षात मी रणचंडिका पत्नीपदाला
गालिचे, गाद्या, उश्या अन् चादरी कंटाळलेल्या
बायको माडीवरी ज्ञानेश्वरी घेते उशाला
प्रेमवीरांनी शिकावे खोडसाळापासुनी की
तारखांची चूक नेते ओढुनी त्या बोहल्याला
Subscribe to:
Posts (Atom)