मूळ गीत : "जीवनात ही घडी अशीच राहू दे"
बेवड्यास दो घडी नशेत राहू दे
देशि पाज थोडिशी, शिवास राहू दे ॥धृ॥
रंगविले मी मनात चित्र देखणे
आवडत्या साकींचे मस्त नाचणे
बारातिल चांदण्या निवांत पाहू दे ॥१॥
बहुत पेग घेण्याचा छंद लागला
चकण्याचा अन् वरती खर्च वेगळा
दोस्तांचे हात तंग सैल होऊ दे ॥२॥
राहू दे असाच मला नित्य ढोसता
जाऊ दे असाच काळ धुंद राहता
'तास मोदभारला'* अनंत चालू दे ॥३॥
* :- 'Happy Hour'
0 Comments:
Subscribe to:
Post Comments (Atom)