प्रेरणास्रोत : प्रवासी ह्यांची अप्रतिम गझल शोध घेते नजर का अशी वेंधळी?


शोध घेते नजर का अशी वेंधळी?
चारचौघींपरी तू, कुठे वेगळी?

नेहमीसारखी ढिम्म तू राहिली
आज आलिंगनी हो तरी मोकळी

लाजणारी नको घेउ तू ओढणी
पाहु दे ना तुला मोकळी मोकळी

लाटणे घे करी, चार पोळ्या बडव
कोकलू लागली ही उदर-पोकळी

काय झाडूतल्या त्या हिऱ्या बोलल्या
मारली का मला सांग कोपरखळी?

तू मला दे झणी तंदुरी कोंबडी
मी तुला अर्पितो कोवळी मांधळी

कैद करताच तू कंप सुटला मला
रंगरूपास भुललो नि गेलो बळी

द्वाड पोरे तुला शीळ का घालती
चॊकलेटातली त्या दिसे ना अळी?

का विषय काढता इंद्रियांनो असे?
ती व्रतस्था असे सोवळी सोवळी

खोडसाळा जरी पान तू व्यापले
हाय, दुर्लक्ष करतात ना मंडळी !?

0 Comments:

Post a Comment



Newer Post Older Post Home

Blogger Template by Blogcrowds