मी कुठे दिसलेच तर पटवा मलाही
रुक्मिणी मी, कृष्ण व्हा, पळवा मलाही
एरव्ही मी ठेवते कोठे दुरावा?
शोभतो केव्हातरी रुसवा मलाही
पंचपक्वान्नांतली मी पट्टराणी
भोजनाच्या सोबती गटवा मलाही
काय म्हणता? भेटला तो कीर्तनाला?
भेटला माडीवरी परवा मलाही
ही पहा मी लावली ओठांस लाली
व्हा लिफाफा, स्टॅंपसम डकवा मलाही
ठेव बॅंकेतील आहे बायको अन
चेक मी बेअर्र, सख्या, वटवा मलाही
काळजी का फक्त ताईची तुम्हाला?
पाठच्या आहोत मग उजवा मलाही
आमची प्रेरणा - वैभव जोशींची गझल मी कुठे दिसलेच तर
Labels: विडंबन
1 Comment:
Subscribe to:
Post Comments (Atom)
भेटला माडीवरी परवा मलाही
हहाहाहाहाहाहा.
डकवा ही मस्त :) खोडसाळपंत येऊ द्या.