कारकून ह्यांना पडलेला पेच काल आमच्या काही चिंताक्रान्त गझलकार मित्रांनी आमच्या निदर्शनास आणला. बिचाऱ्यांच्या तोंडाचे पाणी पळाले होते. कारकून म्हणतात :

शराब कबाब शेरात नको
प्रतिसादीही पेचात नको


त्यांचे हे म्हणणे मान्य केलास ९९% शायरांना आपले दुकान कायमचे बंद करावे लागेल ह्याचा विचार लेखक मजकुरांनी केला आहे काय? त्यांच्यापुढे तमाम गझलकारांची कैफ़ियत मांडून आम्ही त्यांना आपल्या भूमिकेचा पुनर्विचार करण्याची नम्र विनंती करीत आहोत. खालील शब्द जरी आमचे असले तरी भावना तमाम शायरवृंदाच्या आहेत.

गझलेत शराब, कबाब नको ?
उद्या म्हणाल शबाब नको !

देई अर्थ जी जगण्याला
तीच नेमकी बाब नको ?!

गझलेला ऋग्वेदाचा
पीतांबरी हिज़ाब नको

लक्ष्यार्थाशी दोस्ती कर
अभिधेचाच रुबाब नको

'खोडसाळ' व्हा दोस्तांनो
उगा सोवळी आब नको

1 Comment:

  1. archana said...
    khodsalpant, gajal tar chhaan aahech, pan
    लक्ष्यार्थाशी दोस्ती कर
    अभिधेचाच रुबाब नको
    haa sher byesht aahe. khadkhadun hasle ha sher vachun. aani nantar laxyarth, abhidha ase shabd tumhi gajalet vaparalele pahun khodasal = ? he kode prathamach padle. :D khodya kadhane changlech chalalele distey, pan jyachya khodya kadhtay, tyachya te neeeeeeeeeeet laxat yetey ka? :P

Post a Comment



Newer Post Older Post Home

Blogger Template by Blogcrowds